Bímid i dteagmháil le grúpaí pobail ar mian leo: an Ghaeilge a chur chun cinn; ranganna nó oiliúint a chur ar fáil do bhaill agus le grúpaí agus eagraíochtaí a bhfuil maoiniú faighte acu d'imeachtaí Gaeilge.
• An Ghaeilge i do ghnó: is féidir linn oiliúint inmheánach nó ar líne a chur ar fáil maidir le húsáid na Gaeilge i do ghnó lena n-áirítear: Gaeilge a chur isteach i gcruinnithe den chomhlacht; comharthaíocht Ghaeilge sa chomhlacht; an Ghaeilge a úsáid le custaiméirí agus ceachtanna Gaeilge don fhoireann.
• An Ghaeilge mar ionadaí tofa: is féidir linn oiliúint a chur ar fáil d'ionadaithe poiblí maidir le húsáid na Gaeilge labhartha, lena n-áirítear: an dóigh beannú do dhuine i nGaeilge; tús agus deireadh a chur le cruinniú i nGaeilge; ríomhphoist agus comhfhreagras scríofa i nGaeilge a sheoladh agus deireadh a chur leo agus an dóigh leis an Ghaeilge a úsáid i do phostálacha ar na meáin shóisialta.

Soláthraíonn Foghlaim MF cláir theanga shaincheaptha do bhunscoileanna ar mian leo an Ghaeilge a shníomh isteach sa churaclam. Déanaimid cláir 10 seachtaine a thairiscint duine le duine agus ar líne le pleananna ceachta idirdhealaithe EC1 agus EC2 ag brath ar riachtanais na scoile. Tá áthas orainn fosta cuidiú a thabhairt maidir le seirbhísí scoile inar mhaith leat amhráin nó dánta Gaeilge a chur san áireamh. De ghnáth, caithfimid 15 bhomaite i ranganna EC1 agus 30 bomaite i ngrúpaí EC2. Bíonn na ranganna bunaithe ar chomhrá, iontach fuinniúil agus lán spraoi!

Is féidir linn na seirbhisí seo a leanas a chur ar fáil:
• Ceachtanna Gaeilge EC3 do Ghaeilge bhliain 8-10 de réir threoirlínte CCEA ag baint úsáid as Irish in Close up mar théacsleabhar tagartha agus raon de leabhair oibre chuimsitheach do gach bliainghrúpa.
• TGM Irish (bliain 11 agus bliain 12) - ag baint úsáid as téacsleabhar CCEA TGM Gaeilge agus nótaí breise do chodanna gramadaí.
• Chomh maith leis sin, táimid go hiomlán grinnfhiosraithe agus cláraithe chun an Ghaeilge a theagasc i meánscoileanna i bPoblacht na hÉireann. Déan teagmháil linn le do thoil le haghaidh tuilleadh eolais ar an tseirbhís seo.

Cuirimid ranganna athbhreithnithe ar líne ar fáil ar bhonn 1:1 agus i ngrúpaí beaga le múinteoirí agus scrúdaitheoirí a bhfuil taithí acu do na scrúduithe seo a leanas:

• GCSE Gaeilge
• AS/A2 Gaeilge
• Gaeilge an Teastais Shóisearaigh
• Gaeilge na hArdteiste
• PME Gaeilge
• TEG
• Ullmhúchán Agallaimh Hibernia
• OCG
• SCG

Bunscoileanna

Ag Foghlaim MF cuirimid cláir shaincheaptha ‘Tá Gaeilge Agam’ ar fáil do bhunscoileanna ar mian leo an Ghaeilge a chuimsiú ina gcuraclam. Tá cláir 10 seachtaine duine le duine agus ar líne ar fáil le pleananna ceachta idirdhealaithe do EC1 agus EC2 ag brath ar riachtanais na scoile. Tá na praghsanna ar bhonn scoil go scoil ag brath ar riachtanais agus uimhreacha. Déan teagmháil linn le haghaidh tuilleadh eolais!

Iar-bhuscoileanna

An bhfuil fógraíocht déanta ag do scoil do mhúinteoir Gaeilge? An ea nach raibh tú in ann an post a líonadh? Is féidir linn cuidiú! Tá Foghlaim MF ag obair le dornán meánscoileanna i dTuaisceart Éireann chun curaclam Gaeilge EC3 agus EC4 a chur ar fáil in aghaidh na huaire. Is féidir lenár múinteoirí a bhfuil taithí acu agus a bhfuil grinnfhiosrúchán iomlán déanta orthu a chumasc isteach i do roinn nuatheangacha go cruinn agus go solúbtha chun ranganna Gaeilge a chur ar fáil do do dhaltaí go léir mar chuid de chlár ama na scoile. Is féidir linn an clár GCSE Gaeilge a chur ar fáil mar ghníomhaíocht iarscoile freisin. Déan teagmháil linn le haghaidh tuilleadh eolais nó le haghaidh comhairliúchán saor in aisce do do scoil.